Os gañadores da décima ed. do concuso se reúnen cos membros do xurado

Hoxe día 17 de xullo do 2020 os gañadores da décima edición do concurso se reúniron na facultade de Matemáticas cos membros do xurado para recibir os seus parabéns e os agasallos.

Os gañadores da décima edición do concurso “Incubadora de Sondaxes e Experimentos” que convoca a Sociedade Galega para a Promoción da Estatística e da Investigación Operativa na categoría de 1º e 2º de ESO son alumnos do IES Pontepedriña (Santiago de Compostela); na categoría de 3º e 4º de ESO e FP Básica alumnos do IES Cacheiras (Teo); e na categoría de Bacharelato e Ciclos Formativos de Grao Medio unha alumna do IES Arcebispo Xelmírez II (Santiago de Compostela). A entrega de premios tivo lugar o día 17 de xullo ás 10.00 horas na Facultade compostelá de Matemáticas, e agárdase se é posible ter un acto formal durante o outono.  

Foto: os gañadores, os seus titores, pais/nais, membros do xurado e da organización e a decana da Facultade de Matemáticas. 

O xurado do X Concurso Incubadora de Sondaxes e Experimentos estivo composto por:

Presidenta: Covadonga Rodríguez-Moldes Rey. SGAPEIO

Secretario: Javier Tarrío Saavedra. SGAPEIO
 
Vocais:
- Indalecio Cabana Leira. Consellería de Educación, Universidade e Formación Profesional
- Balbina V. Casas Méndez. Universidade de Santiago de Compostela - Representante do Instituto de Matemáticas USC
- Laura Calaza Díaz. CFR Lugo- Sección Burela
- Raúl Jácome Rodríguez. Instituto Galego de Estatística
 

Foto: Membros do xurado: de esqueda a dereita Javier Tarrío, Laura Calaza, Indalecio Cabana, Raúl Jácome e Balbina Casas.

O xurado quixo destacar a calidade de todos os traballos presentados e recoñecer o esforzo realizado por todo o alumnado e o profesorado en desenvolver estes proxectos nunha situación de emerxencia sanitaria como a que vivimos neste 2020.

Dende a organización do concurso se agarda poder celebrar un acto similar ao dos anos anteriores no outono na medida do posible.

 

2020  SGAPEIO   globbers joomla templates